Siglir tar il cuntegn

Header

cuntegn

Mx3 tuts per in december Matilde – «Foto Hot»

Per la chantautura tessinaisa ha tut cumenzà en l’atgna stiva cun emprender sur sasezza da chantar, sunar ghitarra e clavazin.

Cun il plaschair da la musica è insacura era vegnì l’ambiziun. Uschia ha ella cumenzà cun curs e scolaziuns per sa perfecziunar. Durant quai temp ha era sia carriera musicala cumenzà. Emprim en il mund dals musicals. Suenter ha ella fatg in pass davos las culissas sco tecnicista da tun. Malgrà sia rolla sper tribuna ha ella dentant durant quest temp era publitgà sia emprima single «Come un gioco» e cun quella gist retschavì il premi Mogol e collià cun quest premi era in stipendi tar la scola da musica taliana CET – Centro Europeo di Toscolano. Cun sia single «Foto Hot» survegn ella la chaschun da sa preschentar durant il december en ils radios da RTR, SRF3, Couleur 3 e Rete Tre.

Mx3 – tuts per in

Avrir la box Serrar la box
Il logo da la seria Mx3 - tuts per in.
Legenda: RTR

L'unitad fa la forza! Ils quatter radios SRF3, Couleur 3, Rete Tre e RTR scuvran e promovan mais per mais ina nova chanzun svizra. Las redacziuns da musica da RTR, RSI, RTS e SRF preschentan communablamain musica ch'ha attratg l'attenziun da las redacziuns. E quai exclusivamain per chanzuns, ch'èn da chattar sin mx3.ch.

Artitgels legids il pli savens

Scrollar a sanestra Scrollar a dretga