Child – «Something New»
La chantautura Child chanta pli gugent sin tribunas pitschnas – tar ella en stiva ubain en il curtgin. Ella preschenta là chanzuns davart la vita, las bellas e tristas varts. Sia maschaida da folk e pop è naschì en las stivas d’amis ed amias nua ch’ella ha adina puspè sunà singulas chanzuns. Quai ha manà cun in crowdfunding tar sia emprima EP e differentas singles. Ils ultims dus onns è ella sa preschentada persula, sco duo ubain cun band. Per il futur planisescha ella da sunar pli savens cun band ed ha il 2025 gia publitgà trais novas singles. Ina da quellas è «Something New» – ina chanzun da pop cun ina levezza che porta in’atmosfera patgifica ch’è dentant tuttina bain adattada per ballar cun. Durant l’entir fanadur sa ella uss sa preschentar sin ina tribuna pli gronda – numnadamain en l’entira Svizra en ils radios da RTR, SRF 3, Couleur 3 e Rete Tre.
L'unitad fa la forza! Ils quatter radios SRF3, Couleur 3, Rete Tre e RTR scuvran e promovan mais per mais ina nova chanzun svizra. Las redacziuns da musica da RTR, RSI, RTS e SRF preschentan communablamain musica ch'ha attratg l'attenziun da las redacziuns. E quai exclusivamain per chanzuns, ch'èn da chattar sin mx3.ch.
