Musica acustica, il blues e rock e la charezza per sia patria èn insaquants dals temas che fatschentan il giuven Schlarignot Gianni Tschenett. Cun sia band Oak Street ha el scrit il 48avel Top Pop Rumantsch «Tschêl blov» ch’è uss vegnì tschernì per l’acziun «Mx3 – tuts per in» dal fevrer. Uschia sa la band giuvna ed ambiziusa sa preschentar per in mais en l’entira Svizra.
Il settember 2022 è la band stada sin visita en nossa Late Lounge Live ed han preschentà insaquantas chanzuns novas. Là ha il chantadur Gianni Tschenett raquintà da ses studi da musica ed in pau dals plans per il futur. Sco pitschna motivaziun supplementara survegn el e sia gruppa ussa la chaschun da sa preschentar durant il favrer en ils radios da RTR, SRF3, Couleur 3 e Rete Tre.
