Ellas fan part da la proxima generaziun da musicistas grischunas. Céline Mazenauer e Jana Temelkov han gia fatg in zic experientscha en projects cun bands. Red Echo è uss dentant lur emprim agen project. Las duas giuvnas grischunas sajan oravant tut ina gruppa per ils muments live. Là vegnan ellas era rinforzadas da trais ulteriurs commembers. Avant curt han ellas cun success rimnà daners per lur EP da debut e lavuran uss vid quella.
L’emprima single giu da quella EP han ellas gia publitgà l'entschatta d'avrigl: «Painkiller».
Red Echo – «Painkiller»
Durant il zercladur po il duo preschentar lur single da debut entaifer l’acziun mx3 tuts per in e vegnan emess dals emetturs da SRF3, Couleur 3, Rete Tre e RTR.
