Siglir tar il cuntegn

Header

audio
Star da cumpagnia e tadlar buna musica – er il 2022 il recept da l’Open Air Lumnezia
Or da Actualitad dals 25.07.2022.
laschar ir. Durada: 4 minutas 41 Secundas.
cuntegn

Open Air Lumnezia 2022 Trais dis da festa ed ina finiziun turbulenta

La musica, la buna atmosfera, la chalira ed ils urizis restan era en memoria al president dal comité d'organisaziun Norbert Cavegn dal Open Air Lumnezia 2022. Ina sfida è cunzunt las duas interrupziuns da forza electrica stada– uschia ch'el ha sentì la dumengia la fin d'emna intensiva da festival.

Cura che la forza electrica è crudada ora la sonda saira en parts da la Val Lumnezia, è er il festival stà pertutgà temporarmain. Uss saja anc ina giada dad ir sur ils cudeschs e meglierar tscherts puncts dal concept. Tuttina èsi per Norbert Cavegn stà in highlight da finalmain suenter dus onns puspè pudair manar tras il festival.

audio
Fatg suar a l’Open Air Lumnezia han la chalira, sco er ils incaps cun la forza electrica
ord Sport ed actualitad dals 24.07.2022.
laschar ir. Durada: 4 minutas 13 Secundas.

Da sulegl enfin variabel

Tut ha cumenzà bain la gievgia a Degen, cun bleras visitadras e visitaders. L'aura è stada buna – e gia baud han ils fans chattà la via sin l'areal, avant in dals numerus stans ubain davant la tribuna gronda.

Cun il venderdi èn las chaliras vegnidas, ed era in u l'auter urizi hai dà la saira e durant la notg. Tuttina èn anc pliras millis persunas vegnidas a Degen. Musicalmain han «Hess & The Spanky Hammers» procurà per in bun cumenzament e las «Liricas Analas» cun lur concert final per il highlight emoziunal. Tuts concerts han dentant pudì carmalar la glieud or da lur tendas.

audio
Esser fitg datiers da la tribuna cun Elias e Dominic
ord Actualitad dals 22.07.2022.
laschar ir. Durada: 3 minutas 5 Secundas.

La sonda cun e senza tensiun

Era la sonda ha malgrà plievgia e pli bassas temperaturas cumenzà bain. Gia durant ils emprims concerts è ina fulla glieud sa rimnada davant la tribuna. Vers saira èsi lura vegnì in pau caotic en la Lumnezia. L'emprima interrupziun da la forza electrica è capitada be minutas avant il concert da Bastian Baker. In cametg è dà en in isolatur ed ha stgarpà giu ina lingia d'electricitad. Bun in'ura han gidantras e gidanters duvrà fin che l'electricitad ha puspè funcziunà. Cura che Bastian Baker ha sunà hai lura cumenzà a plover. Per ils blers fans n'è quai dentant stà nagin problem.

audio
Quant aut ch'il puls è siglì quest onn san Lukas ed Elias
ord Actualitad dals 23.07.2022.
laschar ir. Durada: 2 minutas 59 Secundas.

Pli tard la saira il snuizi per ils organisaturs; in'ulteriura interrupziun durant il concert da «Lo & Leduc» che han stuì rumper giu lur concert. Davos las culissas han ils organisaturs fatg tut per pudair realisar l'ultim concert. Circa las 0:30 uras han ils Scots da Biffy Clyro mess il pe sin il palc e procurà per in final bumbastic e conciliant a Degen.

La Repower ha infurmà

Avrir la box Serrar la box

In culp da chametg en in isolatur saja stada la raschun per l'interrupziun da l'electricitad en la Val Lumnezia la sonda saira. Tras quai saja ina lingia d'electricitad vegnida stgarpada per terra, communitgescha la Repower.

La forza electrica è crudada ora a Degen, Vella, Morissen, Vignogn, Lumbrein e Vrin curt avant las 6 la saira per var 50 minutas.

video
Openair Lumnezia 2022 - Aftermovie
Or da RTR Social dals 26.07.2022.
laschar ir. Durada: 2 minutas 4 Secundas.

RTR actualitad 17:00

Artitgels legids il pli savens

Scrollar a sanestra Scrollar a dretga