L'Open Air Lumnezia tutga per bleras Grischunas e blers Grischuns ma er per persunas d'ordaifer en l'agenda da festivals. S'inscuntrar a Degen, far festa, giudair l'atmosfera muntagnarda e sautar stat en il center da las 18'000 visitadras e visitaders che vegnan mintg'onn en Lumnezia.
Gudagnai bigliets da VIP
Tgi che n'ha anc betg in bigliet per l'Open Air Lumnezia po uss gudagnar tschintg giadas dus bigliets da VIP per l'entira fin d'emna da festival. Il sulet ch'igl è da far è da respunder correctamain la dumonda e cun in zic fortuna essas Vus la victura u il victur che vegn enconuschent ils 21 da fanadur 2025.
In palc giagl da rap rumantsch fin a house franzos
Forsa han ins anc en l’ureglia ed en memoria in u l’auter highlight da l’Open Air Lumnezia 2024. Ed uss stat gia avant porta la 39avla ediziun dal festival tradiziunal. Qua chattais las musicistas ed ils musicists che fan l'onn 2025 il viadi a Degen per sunar sin la tribuna gronda.
-
Bild 1 von 19. Fan quella musica che plascha ad els: «Happy For Real» fan musica inspirada da Paramore, Phoenix ubain Bloc Party e creeschan tuttina insatge agen. Bildquelle: Happy, For Real.
-
Bild 2 von 19. Rap sursilvan dad in dals ultims rappers rumantschs – uschia descriva «Giganto» almain sasez. Bildquelle: RTR.
-
Bild 3 von 19. «Dabu Fantastic» da Turitg è ina gruppa ch'ins na sto betg pli preschentar en Svizra. Dapi 2008 fan Dabu Bucher e DJ Arts ensemen musica ed èn cun quai gia stà sin pli u main mintga tribuna svizra. Bildquelle: Keystone.
-
Bild 4 von 19. Dapli musica giuvna tudestga. Cun «Makko» da Berlin datti rap ruassaivel ed actual. Bildquelle: Makko.
-
Bild 5 von 19. Ils rappers da «2kmafia» han gudagnà l'occurrenza bandXost 2024 ed astgan perquai sa preschentar gia per la segunda giada a l'Open Air Lumnezia. Bildquelle: 2kmafia.
-
Bild 6 von 19. La chantadura da berna «Leila» ha cun «Gun To My Head» gia in grond hit sin Spotify ed ha in contract cun in label tudestg – cun ses stil da pop-rock-punk ha ella pia gia in pau success sur ils cunfins ora. Bildquelle: Grönland Records.
-
Bild 7 von 19. La chantadura grischuna Any Sabadi cun la gronda vusch fa musica da pop e soul ed ha l'atun 2024 publitgà si'emprima EP. Bildquelle: RTR.
-
Bild 8 von 19. Il giuven chantautur «Cossmo» porta sia musica da pop fina e ruassaivla dal Lai Rivaun en Lumnezia. Bildquelle: Cossmo.
-
Bild 9 von 19. Per ils fans dal classic rock sa preschenta la gruppa «Reviväl» enta Degen. Bildquelle: Reviväl.
-
Bild 10 von 19. Marian Heim alias Majan è in rapper tudestg che fa dapi 2019 musica. Dapi lura ha el publitgà diversas singles ed EPs ed il 2023 accumpagnà Peter Fox sin sia turnea. Bildquelle: Majan.
-
Bild 11 von 19. Il duo d'electro pop svizzer «Ikan Hyu» han gia sunà cun Royal Blood ubain Sofi Tukker e stattan il 2025 sin tribuna a Degen. Bildquelle: Gadget.
-
Bild 12 von 19. Dapi 2007 fan ils DJs e producents Johannes Gehring e Christopher Rabai musica sco duo «Drunken Masters» (maletg da simbol). Bildquelle: Pixabay.
-
Bild 13 von 19. Ils rappers da Sektion-Züri performeschan en dialect turitgais. Bildquelle: Keystone.
-
Bild 14 von 19. Il rapper tudestg da Mannheim «GReeeN» cumbinescha Rap, Reggae e Dancehall per crear ses agen stil. Bildquelle: Keystone.
-
Bild 15 von 19. La chantautura tudestga Zoe Wees da Hamburg è daventada enconuschenta il 2020 cun sia chanzun «Control». Bildquelle: Keystone.
-
Bild 16 von 19. Il duo da House franzos «Ofenbach» cun ils dus DJs César Laurent de Rummel e Dorian Lauduique. Bildquelle: Keystone.
-
Bild 17 von 19. Ils veterans da la musica svizra: Patent Ochsner. Els vegnan gievgia sin tribuna a Degen. Bildquelle: Keystone.
-
Bild 18 von 19. Il DJ e producent beltg «Lost Frequencies» è 2025 per l'emprima giada a Degen. Bildquelle: Keystone.
-
Bild 19 von 19. La band svizra «Hecht» sin tribuna da l'Open Air Lumnezia 2019. Bildquelle: RTR.
Per sa regurdar vi da l’ediziun passada e laschar reviver las memorias pudais guardar qua tge ch’è capità l'onn 2024:
Visitais vus stedi il festival lumnezian e savais ina u l’autra chaussa? Lura pudais testar vossa savida en il quiz: