Siglir tar il cuntegn

Header

cuntegn

Nadal Tgi è il bambin?

Nadal stat avant porta e bainprest vegn il bambin. Per ils uffants èsi cler, il bambin è quel che porta mintg'onn ils regals sut il pignol da Nadal. Ma, san ils uffants insumma tgi ch'el è? Nus avain visità la scola a Breil e Donat ed avain discurrì sur da Nadal cun las scolaras ed ils scolars.

audio
Tgi è il bambin?
ord Actualitad dals 19.12.2023. Maletg: RTR
laschar ir. Durada: 2 minutas 39 Secundas.

Sin la dumonda, sch’els sappian, tgi ch'il bambin saja, hai dà bleras e fitg differentas respostas. Qua intgins exempels:

Jau crai ch'el possia sgular, uschiglio na pudess el betg sgular da fanestra en.
Autur: Scolar da la scola Breil
El è in uffant ch'è naschì en in parsepen.
Autur: scolar da la scola Donat
El è in pop senza chavels.
Autur: scolara da la scola Donat
audio
Muntada da regals e giavischs da Nadal
ord Actualitad dals 19.12.2023. Maletg: Keystone
laschar ir. Durada: 2 minutas 54 Secundas.

Els tuts enconuschan il bambin ed ils blers san ch'el è era enconuschent sco Jesus, il figl da Dieu. Ils 24 e 25 da december vegn la naschientscha da quel festivà, pia ses di da naschientscha. Ils regals tutgan gia dapi blers onns tar la festa da Nadal. Igl è ina sort tradiziun. E per ch'il bambin sappia tge regalar als uffants, scrivan quels glistas da giavischs ad el. Era las scolaras ed ils scolars da Breil e Donat, han cleras ideas tge ch'els vulan avair sin Nadal: skis, in animal da plisch da Minecraft, in cudesch da leger, in globus, in tablet, legos euv. Blers giavischs, e giavischs da tuttas sorts.

Istorgia da Nadal ord vista dals uffants

La festa vegn celebrada da cristians sin l'entir mund cun differentas tradiziuns ed usits, tranter auter il chantar chanzuns da Nadal, barattar regals, decorar pignols da Nadal ed il star ensemen cun famiglia ed amis. Ma pertge festivesch'ins insumma Nadal? Scolars da la 2./3. classa da Breil e da la 5./6. classa da Donat raquintan ord lur vista l'istorgia da Nadal.

video
L'istorgia da Nadal 2023 onns pli tard: ils uffants da las scolas da Donat e Breil raquintan l'istorgia
Or da Telesguard dals 19.12.2023.
laschar ir. Durada: 2 minutas 20 Secundas.

RTR Actualitad 07:00

Artitgels legids il pli savens