Durant in di da project han las scolaras ed ils scolars dal segund e terz stgalim aut da la scola lumnezia realisà ina senda da Nadal. Quella vegn a manar atras il coc dal vitg da Vella. En stallas e clavàs vits han els endrizzà posts tematics davart la festa da Nadal.
Las fanestras d'advent èn bain enconuschentas. La senda da Nadal ha dentant da far dapli cun Nadal è tge che quella festa vul dir.
Davent ils 17 da december san las visitadras e visitaders ir e guardar dals ischs stalla viaden per contemplar las installaziuns. En tut hai 12 posts, il davos sa chatta en la chaplutta da s. Roc.
Las scolaras ed il scolars tar las preparaziuns
Il plevon Peter Aregger ha vulì far quella senda, suenter ch'el ha constatà cun ir tras il vitg ch'i ha plirs objects sco clavàs è stallas veglias. Suenter ch'el haja vesì in da quels objects bajegiads ora, ha el pensà ch'i saja da realisar la Senda da Nadal.
Fin november han las scolaras ed ils scolars lavura vid las installaziuns. Uschia han els per exempel zambregià vida figuras or da vestgadira fixada cun gip ch'èn endadens chavortgas. Ina scolara e pachetada ella vestgadira plain gip, in'autra scolara sienta quel cun in favugn. Il product finì mettan ellas ora tar il stan «vestgadira» che fa tschertas reflexiuns davart il tema.
In'autra lavur èsi d'installar ina massa cudeschs vegls en ina stalla. Ina gruppa da giuvens porta quels cudeschs en stalla. Els èn a l'entschatta da la lavur. Era qua vai per simbolica, tgi che haja in cudesch e buc legì quel, na sappia betg tge ch'è scrit lien, uschia Peter Aregger.
