Siglir tar il cuntegn

Header

audio
Paul Orlik: «L'emprim pass en l'arena – quai va tras pel ed ossa»
Or da Profil dals 27.08.2022. Maletg: RTR
laschar ir. Durada: 58 minutas 7 Secundas.
cuntegn

Paul Orlik «L’emprim pass en l’arena – quai va tras pel ed ossa»

Per esser in bun lutgader dovri plaschair, tschaffen, tecnica, tactica, cundiziun e perseveranza. Quai di l'anteriur lutgader Paul Orlik en il profil. Il corp fa in svilup ed i dovra blers onns fin ch'il corp è uschè lunsch.

La tecnica tar la lutga sto esser sco in reflex.
Autur: Paul Orlik Anteriur lutgader

La preparaziun sin ina festa da lutga oz è autra che dals temps che Paul Orlik gieva en il resgim. Ils figls da Paul Orlik, Armon e Curdin, prendan dapli temp per trenament, sa preparan pli professiunal. Oz vegn trenà pli effectiv, cun dapli savida. Er la lutga ha fatg progress, di Paul Orlik.

Per cletg avev'jau gia mia dunna.
Autur: Paul Orlik Davart dunnas ch'admiran ils lutgaders

Da professiun è Paul Orlik policist. Dapi 31 onns lavura el tar la Polizia chantunala sin il post a Landquart. Blers onns è el era stà grenadier. Tema ha el mai gì.

Jau hai schon gì tschertas situaziuns fitg privlusas.
Autur: Paul Orlik Policist tar la Polizia Chantunala

Sco policist ha Paul Orlik pudì profitar dal sport sco lutgader ed er dal judo. Ins vegn segirs da sa sez e sa co sa defender. E quai gida fitg e dat uschia ina tscherta ruassaivladad. Ed er da star calm, da discurrer cun vusch quieta haja gidà tras bleras situaziuns.

RTR Profil 09:00

Artitgels legids il pli savens