«In viadi plus vul er dir, esser da viadi ensemen. Sch’ins è sin viadi ensemen, pon ins er sustegnair in l’auter, motivar ni discurrer in cun l’auter. Uschia sco la baselgia sa numna pievel da Dieu sin viadi», di Flurina Cavegn-Tomaschett, avant che partir en baselgia parochiala a Glion. Baselgia na saja betg insatge static, mabain dinamic. Ni precisà: baselgia duess esser insatge dinamic en il mund tar ils carstgauns.
Pauc pli tard sa metta la gruppa sin viadi vers Cuira.
-
Bild 1 von 2. Ina davosa fotografia avant il pelegrinadi. Bildquelle: RTR.
-
Bild 2 von 2. Las bandieras sin il satgados uneschan. Bildquelle: RTR.
La via maina la gruppa da pelegrinas e pelegrins sper il Rain en la Ruinaulta. Adina puspè fa la gruppa ina pausa per tadlar impuls.
-
Bild 1 von 7. Impuls sper il Rain. Bildquelle: RTR.
-
Bild 2 von 7. La senda passa sper il Rain. Bildquelle: RTR.
-
Bild 3 von 7. Vista sin la Ruinaulta. Bildquelle: RTR.
-
Bild 4 von 7. Sportistas e sportists da l'aua che passan la gruppa. Bildquelle: RTR.
-
Bild 5 von 7. Amez tras las ruinas. Bildquelle: RTR.
-
Bild 6 von 7. Cruschada cun la Viafier Retica. Bildquelle: RTR.
-
Bild 7 von 7. Pelegrinas e pelegrins a pe sper ils binaris da la Viafier Retica. Bildquelle: RTR.
Tranter las participantas è era Flavia Walder. Ella è participada al pelegrinadi perquai che la purschida haja fascinà ella. Ella veglia cunzunt s’entupar cun parochianas e parochians e giudair la cumpagnia e la cuminanza. Pelegrinar saja in giavisch sin sia glista. «E quests dus dis è in’emprima chaschun da far in mini-pelegrinadi», uschia Walder.
Jau hai durant quest pelegrinadi fatg in’experientscha ch’jau hai gia fatg durant auters pelegrinadis. In turist pretenda, ed in pelegrin engrazia. E quai hai jau er oz sentì. Sch’ins va sco turist han ins tschertas pretensiuns. E sche ti ès sco pelegrin sin viadi n’has ti betg tantas spetgas. Ti ès simplamain engraziaivels.
Era René Cavegn fa part dal pelegrinadi. El è da chasa a Glion ed ha gia fatg plirs pelegrinadis. Ma igl è per el l’emprima giada ch’el fa quai en communitad.
Suenter quatter, tschintg dis vegn ins en il flow.
Suenter bleras baterladas e radund 30 kilometers a pe cuntanscha la gruppa la dumengia avantmezdi la plazza Arcas, nua che la messa vegn celebrada.
-
Bild 1 von 2. Flavia Walder, Flurina Cavegn-Tomaschett e René Cavegn a Cuira. Bildquelle: RTR.
-
Bild 2 von 2. Messa festiva sin igl Arcas a Cuira. Bildquelle: RTR.
Suenter il mini-pelegrinadi da Glion a Cuira tras la mirvegliusa cuntrada da la Ruinaulta ves’ins be fatschas rientas da pelegrinas e pelegrins. Tuts èn cuntents.
«La hospitalitad è stada exemplarica»
La bilantscha da Flurina Cavegn-Tomaschett suenter ils dus dis è positiva. I saja stà in viandar cun plirs plus. Dad ina vart pervia dals carstgauns. In plus dentant er entras il patratg dad esser sin via cun Dieu. «Nus avain adina puspè survegnì impuls e nutrì noss’olma», uschia Cavegn-Tomaschett.
Jau hai ina cuntentientscha en mamezza.
Era per Flavia Walder èsi stà ina fitg bella experientscha. I saja simplamain ì bain ed ella haja laschà schabegiar e pudì recaltgar intgins plus. La notg han pelegrinas e pelegrins passentà a Domat, tranter auter tar commembers e commembras da la plaiv da Domat.
Il pli spezial per Flurina Cavegn-Tomaschett è stà da star sur notg tar ina persuna ch’ella n’enconuscheva betg. Ella saja propi sa sentida sco pelegrina e haja survegnì fitg bler da quella.