Dapi la primavaira 2025 Claudio Cadonau schef da sport dals Rapperswil-Jona Lakers. Quai saja in ulteriur privilegi, di quel um che n’ha mai pudì dar hockey tar in club grischun, malgrà ch’el ha ina stretga relaziun cun Vuorz en Surselva. Da là deriva sia mamma e Cadonau passenta uschia er bler temp liber ed ina gronda part da sias vacanzas en Surselva ensemen cun sia famiglia.
Dachasa è l’anteriur defensur però restà a Langenthal, nua ch’el ha er giugà duas giadas durant sia lunga carriera. Sco schef da sport tar ils Lakers è Claudio Cadonau oz en ina nova posiziun ed ha ina nova rolla. La passiun per il hockey e la finamira n’èn dentant betg sa midadas.
Impressiuns da Claudio Cadonau
-
Bild 1 von 10. Bildquelle: Keystone.
-
Bild 2 von 10. Bildquelle: Andreas Wieland.
-
Bild 3 von 10. Bildquelle: Keystone.
-
Bild 4 von 10. Bildquelle: Keystone.
-
Bild 5 von 10. Bildquelle: lakers.ch.
-
Bild 6 von 10. Bildquelle: Keystone.
-
Bild 7 von 10. Bildquelle: Keystone.
-
Bild 8 von 10. Bildquelle: Andreas Wieland.
-
Bild 9 von 10. Bildquelle: Keystone.
-
Bild 10 von 10. Bildquelle: Keystone.
Nova rolla e posiziun – medema finamira e passiun
Claudio Cadonau ha fatg atras tut en sia carriera da hockey. Malgrà ch’el ha cumenzà pir durant ils onns da scoletta ha el cun 21 onns gia pudì festivar gronds success: il 2008 ha el fatg part al cader dals ZSC Lions ch’ha gudagnà quel onn tant il titel da campiun svizzer sco er la Champions Hockey League. Pli tard è el er daventà ina giada campiun da la Swiss League, la segunda auta liga svizra – cun Losanna e duas giadas cun Langenthal.
Il pli grond success ha Cadonau festivar ils onns 2021 e 2022. Sco ina da la petgas en la defensiun dal EV Zug ha el pudì festivar dus titels da campiun svizzer en seria cun l’equipa da la Svizra Centrala. Silsuenter ha el midà tar ils SCL Tigers a Langnau, nua ch’el ha era terminà il 2025 sia carriera.
Jau sun adina stà in chau pli gronds ed in zic pli lads che tut ils auters, ed avant 30 onns era quai clar, quai è il defensur. Uschia hai adina giugà en la defensiun.
Dapi ils 1 da matg fa Claudio Cadonau part a l’organisaziun dals Rapperswil-Jona Lakers, quai sco schef da sport. Sco giugader haja el savens pudì giudair mintgamai il suentermezdi cun sia famiglia, sco schef da sport saja el entras sia funcziun en in business che n’enconuscha nagina temp da lavur reglà. El stoppia adina esser en servetsch e cuntanschibel, uschia Cadonau.
Ses job dad oz vegnia sa chapescha pli datiers ad ina professiun normala, ma el dastgi esser vinavant fitg datiers a sia gronda passiun, il hockey sin glatsch. El haja er vinavant contact cun la gardaroba e la lavur sco schef da sport saja immens interessanta, ma er pretensiusa ed ina lavur cun gronda responsabladad, uschia il facit da Claudio Cadonau suenter in onn en il management dals Lakers.
A mes emprim di da lavur a Rappi hai jau survegni in computer e lura hai gì num bler plaschair. Lura sun sesì vid il pult e pensà, nua cumenz jau uss propi.
Langenthal – pervia da l’amur
In plaz tut spezial en ses cor ha Langenthal en il chantun Berna. Là è Claudio Cadonau dapi plirs onns dachasa, oz cun sia famiglia, la dunna Chantal ch’ha a Langenthal ina pratica da fisioterapia da sport, e ses trais uffants. A Langenthal entaupan ins magari Cadonau er sin la plazza da golf, in hobi ch’el ha gia dapi onns. Il dar golf saja adina stà in bun equiliber dasper il dar hockey. In’ulteriura passiun è la pestga ch’el ha cumenzà cun ses bab. Oz va Claudio Cadonau cunzunt a pestga al lai da Bienna.
In siemi ch’jau hai adina giu è da pudair giugar ina giada la Cuppa Spengler a Tavau. Quai fiss stà cool, ma quai n’ha betg vulì esser.
Sia segunda patria è la Surselva. A Vuorz abitescha ina gronda part da sia famiglia e ses geniturs han construì là ina chasa. Uschia passenta Claudio Cadonau ina gronda part da las vacanzas en Surselva, cunzunt er l’enviern per ir cun skis. Il stretga relaziun ha el er cun la lingua rumantscha. A chasa haja el adina discurrì rumantsch cun la mamma, e quai dettia el uss er vinavant als uffants. Entras il rumantsch hajan ins blers avantatgs, cunzunt cura ch'i giaja per emprender autras linguas sco talian, franzos u spagnol, uschia Cadonau ch’è creschì si a Turitg.