Siglir tar il cuntegn

Header

audio
Recepziun 3 – Là nua che las olmas arrivan suenter la mort
Or da Vita e cretta dals 28.05.2023. Maletg: RTR
laschar ir. Durada: 58 minutas 41 Secundas.
cuntegn

Recepziun 3 Ils misteris da vita e mort

Cura che nossa vita va a fin essan nus morts. E lura? Qua cumenza il toc da teater dals teatrists Sara Francesca Hermann e Roberto Chiriatti e da la reschissura Silvana Gargiulo. Els mussan tragicomic lur atgna interpretaziun dal misteri da vita e mort.

La «recepziun 3» è in lieu tranter vita e mort, in lieu da passagi nua che las olmas dals morts passan. A la «recepziun 3» vegnan las olmas retschavidas. Fra ch’è gist morta sto l’emprim insumma acceptar nua ch’ella è. E lura sto ella emprender tge ch’ella ha da far.

Daco jau?
Autur: Fra ch'è gist morta
audio
Recepziun 3 - In passagi da las olmas
ord Vita e cretta dals 28.05.2023. Maletg: RTR
laschar ir. Durada: 10 minutas 43 Secundas.

I dovra l’elavuraziun da quest tema. Er sche quai vegnia fatg dapi ch’i dat umans, manegia Sara Francesca Hermann. I saja impurtant ch’ins vegnia adina puspè confruntà cun la mort. Ma i saja er impurtant che quest toc tegnia sia ligerezza.

Nus prendain la libertad da vesair la vart comica da la vita che finescha ina giada.
Autur: Sara Francesca Hermann Actura, autura e producenta

Il toc è ina via per chapir meglier la mort. I vegn fatg bleras dumondas, ma il toc na dat betg resposta. Tenor Sara Francesca Hermann duai il teater dar fiduzia che la vita è buna sco ella è, ed er la mort è buna sco ella è. La finamira saja da provocar dumondas persunalas internas. In toc uman e senza psicologia prendì or da la vita.

Jau tschertg mi’atgna mort ch’jau giog en la mort da quellas persunas stretgas ch’èn idas. Quai è schon heavy.
Autur: Sara Francesca Hermann Co ella è sa preparada da giugar in'olma

Proxima preschentaziun da «Recepziun 3»:

Avrir la box Serrar la box

05-07-2023
20:15 Kurhaus Bravuogn

RTR Vita e cretta 08:00

Artitgels legids il pli savens