«Fö» è in roman atmosferic sur pliras generaziun. El è ambientà a Zernez e prenda sco punct da partenza l’incendi che ha destruì l’onn 1872 bunamain l’entir vitg.
Quintada vegn l’istorgia d’ina famiglia indigena sur in tschientaner enfin il temp dad oz. La basa per la cronologia da las singulas istorgias èn fatgs istorics sco l’enviern da las lavinas u la pandemia.
Adina puspè cumparan pleds rumantschs en il text: la linterna, la sbrinzla, la chadafö u autras noziuns ladinas che han in connex cun il tema fieu che va tras tut il cudesch.
Las figuras dal roman han in punct communabel: Tuts e tuttas vivan per ina passiun, han in fieu che arda en els, che vegn dentant savens stizzà tras il squitsch da la societad u da l’atgna morala.
L'autura Selma Mahlknecht *1979 è oriunda dal Vnuost e viva a Zernez. Ella è scriventa, dramaturga ed autura da teater. Ella ha scrit plirs romans e tocs da teater ed è vegnida undrada cun divers premis, tranter auter l’onn 2022 cun il nov premi da teater rumantsch Gian Travers.