Schnipp schnapp – in zichelin colur qua ed anc dapli gel là ... quai ed auter capita tar la frisunza e tar il frisunz. Locals e fatschentas da coiffeur datti numerus en Svizra – l'onn 2022 prest 16'800 total. Guardà sin il dumber da fatschentas e la populaziun è visibel per quants clients (pussaivels) che ina fatschenta è responsabla – natiralmain be teoreticamain.
I dat differenzas regiunalas: qua ina cumparegliaziun grischuna cun ils extrems da mintga vart:
I dat in muster consistent, nua che tscherts chantuns sco il Tessin han cifras signifitgantamain pli bassas – quai che signifitga dapli saluns da coiffeur per persuna che autras regiuns. Il chantun Genevra percunter ha cifras bler pli autas, pia pli paucs saluns da coiffeur per persuna.
Controllar ils taglia-chavels
Che la lavur da coiffeusas e coiffeurs saja e vegnia fatscha schubra datti adina puspè controllas. La cumissiun paritetica coiffeur fa quellas controllas – sch'ils locals da coiffeur sa tegnan vi dal contract collectiv, las pajas sajan andantas e ch'i na dettia nagina lavur clandestina.
Uschia tranter 2021 e 2024 mintg'onn vegnids controllads pli e pli blers manaschis – da 171 l'onn 2021 fin 436 l'onn 2024.
I sa mussa in svilup cler ed inquietant: la quota dals manaschis senza irregularitads en connex cun las cundiziuns da paja u da lavur è sa reducida cuntinuadamain – da 14,62% sin mo pli 3,90%. Il medem mument è la part dals manaschis cun surpassaments da las cundiziuns da paja s'augmentada fermamain il 2024.
Irregularitads en connex cun las cundiziuns da paja èn vegnidas constatadas l'onn 2024 tar prest trais quarts dals manaschis controllads, entant ch'il 2021 eran quai anc gnanc la mesadad. Anc pli gravant è il svilup tar l'aspect da las cundiziuns da lavur: Qua è la quota dals manaschis pertutgads s'augmentada da 65,50 % l'onn 2021 sin prest 93%. Alarmant!
Spezial en egl dat ultra da quai che adina dapli manaschis han mancos tant pertutgant las pajas sco er las cundiziuns da lavur – questa part è sa multiplitgada pli che trais giadas, da 21,64 % l'onn 2021 a 69,04 % l'onn 2024.
Questas cifras inditgeschan u ch'i dat adina dapli surpassaments da prescripziuns legalas u che las controllas daventan pli rigurusas ed effectivas – en mintga cas è evident il basegn d'agir.
Da Domat e malcuntent?
Quella gada memia grop, Domat? Paaaauper Domat. Per aunc dapli mimimi: Cliccar qua.
