Paraulas san mussar si co ins po schliar problems u conflicts, ellas pon dar curaschi.
Davart ils stereotips che las mattas e dunnas èn las princessas u dovran agid e ch'ils umens e buobs èn ils erox, di Sandra Blum che quai ha da far cun las paraulas da Grimm. Ma i dat anc bleras autras paraulas ed istorgias senza quels stereotips. Là èn las figuras fitg differentas, sco en la vita reala. I dat er buobs u umens ch’èn flaivels.
En ina paraula è l’entir mund. I dat adina il bun ed il nausch, la glisch ed il stgir. Sco en la vita reala.
Sandra Blum è raquintadra da paraulas professiunala. Ella ha studegià germanistica ed istorgia a Berna cun l’accent sin il temp medieval. Suenter ses studi ha ella dà scola a la scola chantunala a Cuira. Quai è stà ina fitg greva decisiun da chalar da dar scola per chattar l’atgna via.
Il chau ha ditg na, ma il sentiment è stà uschè ferm. Tut quai ch’jau hai fatg è bun uschia.
