Quest Profil ans maina davent da las muntognas da l’Engiadina en la dschungla da la Sri Lanka ed en ils slums da l’India, davent dal Lai da Segl en la Savanna dal Senegal. Seraina Gaudenz (60 onns) è dapi 21 onns guvernanta en l'Hotel Waldhaus a Segl, là na procura ella betg be per urden e schubradad, ella ha er inizià in project umanitar cun integrar a fugitivs da l’Eritrea en ses team. Ina dunna d’acziun, ina cumbattanta perfin è Seraina Gaudenz, ella sezza sa descriva sco betg simpla, pretensiusa, ma cun grond cor.
En viadi cun Seraina Gaudenz
-
Bild 1 von 2. «La chalur fa bain a l'ossa». En la savanna dal Senegal ha chattà Seraina Gaudenz in dachasa nov. Bildquelle: MAD.
-
Bild 2 von 2. Dapertut nagin'aua. Anc mai aveva Seraina Gaudenz patì said, questa experientscha ha fatg gronda impressiun. Bildquelle: MAD.
E cun cor avert va ella era en viadi, adina suletta, adina in’aventura. En Sri Lanka ha ella tgirà elefants, en India termaglià cun uffants en ils slums. Pli cuntradictorica na pudess betg esser la vita tranter hotel da 5 stailas e baraccas da tola. «Sche jau sun en viadi, lascha la guvernanta a Segl», ria Seraina Gaudenz. Ed en il Senegal ha ella finalmain chattà l’amur ed in nov dachasa.
En quest Profil raquinta ella ultra da quai, pertge che betg mangiar chaschiel dat forza, cura che ses chavels èn daventads blaus e verds e co ella è ida davant dretgira cun ina interpresa entira – ed ha natiralmain gudagnà.