L'avust 2017 sutterran trais milliuns meters cubic crappa parts da Bondo. La crappa vegn giu dal Piz Cengalo, va tras la Val Bondasca e riva en vischnanca. Otg viandantas e viandants ch’eran da viadi tras la val moran tar la tragedia.
Oz, dapli che otg onns pli tard è la bova anc adina preschenta tar la cussegliera naziunala Anna Giacometti ch’era da quella giada presidenta da la vischnanca da Bregaglia.
Ella è ina da tschintg persunas ch’èn accusadas pervi da mazzament per negligientscha. Il cas è anc adina pendent tar la dretgira regiunala Malögia.
Sia lavur politica na saja betg pertutgada da l'accusaziun. Ad ella plascha la lavur a Berna anc adina.
L'accusaziun n'ha betg influenza sin mia lavur politica.
La dumonda, sch'ella candidescha puspè en dus onns per il Cussegl naziunal, guntgescha Giacometti: memia baud per prender ina decisiun, manegia ella.
10 dumondas curtas
- Giacometti u Segantini? Giacometti.
- PLD dal futur: Pli sanester u pli dretg? Sanester.
- Pulenta u pizzoccheris? Pizzoccheris.
- Tge partida stat pli datiers a Vus: PS u PPS? PS.
- Clavenna u San Murezzan? Clavenna.
- Chasa federala u chamona da muntogna? 50:50.
- Tge è pli interessant: politica da l'exteriur u politica da finanzas? Politica da finanzas.
- La Bregaglia: porta vers sid u vallada muntagnarda svizra en la periferia? Vallada muntagnarda svizra.
- En il parlament naziunal datti er amicizias: gea u na? Gea.
- Novs contracts bilaterals: gea u na? Gea.
«50:50» – il videocast communabel da Somedia e RTR
Somedia e Radiotelevisiun Svizra Rumantscha RTR porschan cun il format da talk «50:50» in nov product communabel. Il videocast vul promover mintga mais discurs approfundads cun represchentantas e represchentants da l'economia, da la politica e da la societad.
Noss giasts
Pertge il num «50:50»?
- Equiliber e diversitad: il num dal videocast accentuescha las stentas da preschentar ina selecziun da giasts equilibrada e diversa per represchentar ina paletta vasta da chaus e persunalitads.
- Simplicitad e clerezza: In num simpel e chapibel sco «50:50» associescha directamain l'idea fundamentala dal podcast, senza stuair declerar bler dapli.
- Simbol da fairness: La relaziun da 50:50 vegn duvrada savens sco simbol per fairness ed egualitad – quai che correspunda bain er a las finamiras dal podcast.