53 milliuns per la segirezza
En ils otg onns dapi la bova desastrusa dals 23 d'avust 2027 ha la vischnanca da Bondo pudì realisar diversas mesiras da segirezza. En tut passa 53 milliuns francs èn vegnids investids per evitar in'ulteriura tragedia sco la tala d'avant otg onns. Tranter auter èn cun quests raps vegnids construids mirs da protecziun e rempars ed er il batschigl da tschiffada dal flum Bondasca è vegnì engrondì.
Il president communal da Bondo, Fernando Giovanoli, è optimistic che questas mesiras da segirezza pon finalmain purtar als abitants e las abitantas la segirezza e quietezza giavischada. Schegea che Bondo è sa midà fermamain dapi la bova possia la vischnanca ussa guardar cun optimissem en l'avegnir e sa focussar sin novs projects.
