Siglir tar il cuntegn

Header

video
In 10er na basta betg!
Or da Cuntrasts dals 16.04.2023.
laschar ir. Durada: 25 minutas 55 Secundas.
cuntegn

Sport da tir In 10er na basta betg!

Ils Tomaschetts da Campliun èn dapi generaziuns ina famiglia da chatschaders e tiradurs. La meglra noda ha dentant la pli giuvna. Annina sajetta en l’equipa naziunala e tegn schizunt il record svizzer cun la buis d’aria en la distanza da 10 meters. Sajettar e tutgar ha la giuvna da 23 onns en il sang.

Vi dal sajettar fascinescha mai l’interacziun dal mental e dal corporal cun l’urdain da sport. Sajettar uschè precis sco pussaivel, e quai sur 60 sajets
Autur: Annina Tomaschett tiradura da professiun

Dapi l’onn passà è Annina Tomaschett part dal team da cuppa mundiala da Swiss Shooting. Ella fa part a concurrenzas naziunals ed internaziunalas e tutga tar las meglras tiraduras cun la buis dad aria sco era caliber pitschen. Il sport da tir ha schon manà Annina en pajais sco Chile, Slovenia, Germania u era India. La giuvna tiradura viva per ses sport. Las finamiras èn cleras: far part e sajettar per medaglias a cuppas e campiunadis mundials, dentant era a gieus olimpics. Sche tut va bain, va in dals gronds siemis d’Annina en vigur en dus onns – ils gieus olimpics da Paris!

RTR Cuntrasts 17:25

Artitgels legids il pli savens