Sche Joachim Gauck fa viadi vegn el accumpagnà dad umens attents en cumplet discret. Uschia er tar sia visita quest mars a Cuira.
Il pled dal 11avel president da la Republica Federala Tudestga (2012-2017) ha paisa anc oz. Adina puspè fa el valair sia vusch en la debatta da la societad. Ina societad, che haja da sa fatschentar pli cleramain e pli conscientamain cun la toleranza, è Joachim Gauck persvadì.
Ses cudesch actual «Toleranz: einfach schwer» ha el scrit avant l’invasiun russa en l’Ucraina. Perquai è l’anteriur president e reverenda refurmà Gauck oz anc pli persvadì ch’ins na possia betg debattar da la toleranza senza esser decisamain er per l’intoleranza.
Che quai n’è nagina cuntradicziun mussa il discurs, che Joachim Gauck ha fatg cun la Vita e cretta en occasiun da la sairada en Chasa RTR.
Or da l'archiv:
