Siglir tar il cuntegn

Header

audio
«Art e religiun discurran la medema lingua»
Or da Vita e cretta dals 14.11.2021.
laschar ir. Durada: 58:45 minutas.
cuntegn

Vita e cretta – art e baselgia «Art e religiun discurran la medema lingua»

I dettia paucas u naginas incumbensas da la baselgia per artists ed artistas en ses conturn, deplorescha Anna Rita Stoffel. Dentant avessan art e baselgia las meglras premissas d’ir maun en maun.

L’artista universala, oriunda da Laax, ha in agen biro da communicaziun e grafica, e lavura per ils pli divers clients. Dentant quasi mai per la baselgia.

Far art figurativ per ed en ina baselgia è pretensius.
Autur: Anna Rita Stoffel artista

Cun far art per la baselgia ins sa movia adina sin glatsch satigl, perquai ch’ins stoppia far adatg da betg violar sentiments religius ed era chapir endretg cuntegns religius. Ed alura na tutgia l’art natiralmain er betg il gust d’in e mintgina. Da chattar in access e chapir art abstract saja da l’autra vart era betg adina simpel per il public.

La rolla che la baselgia aveva pli baud han oz surpiglià las interpresas ed il maun public.
Autur: Anna Rita Stoffel artista

Dentant luvrass Anna Rita Stoffel fitg gugent dapli sin incumbensa da la baselgia, perquai che tenor ella pon ins elavurar fitg bain tematicas da la cardientscha da moda artistica. En la religiun sco era en l’art giaja quai per la vita, il senn da la vita, la vardad, l’amur e la mort.

L'art guarda sin las chaussas cun ina tut atgna perspectiva. El reflectescha e metta en dumonda. I dovra curaschi da la vart da la baselgia d'acceptar quai.
Autur: Anna Rita Stoffel artista

Sco che la baselgia pudess profitar d’art contemporan e viceversa, sco che baselgia e religiun pudessan inspirar artists, quai explitgescha l’artista en Vita e cretta.

Legenda: Anna Rita Stoffel en ses atelier d'art a Turitg. RTR, Prisca Bigliel

Vita e cretta 08:00

Artitgels legids il pli savens

Scrollar a sanestra Scrollar a dretga