Siglir tar il cuntegn

Header

audio
«Be urar na basta betg»
Or da Vita e cretta dals 06.03.2022. Maletg: L'anteriura magistra da Scuol Mariachatrina Gisep Hofmann è coordinatura dal Di d'uraziun mundial.
laschar ir. Durada: 58 minutas 10 Secundas.
cuntegn

Vita e cretta «Be urar na basta betg»

In di, nua che millis da dunnas sin l’entir mund collavuran, fan uraziun ensemen e cumbattan communablamain per in mund pli solidaric e pli gist – quai è il Di d’uraziun mundial.

Il servetsch divin, che vegn celebrà sin tut il mund mintgamai l’emprim venderdi dal mais da mars, vegn preparà mintg’onn d’in auter comité da dunnas en in auter pajais. Per ils 4 da mars da quest onn èn quai dunnas ord l’Engalterra, la Valisa e l’Irlanda dal Nord che surpiglian quella funcziun. Quai vul dir, ellas defineschan la liturgia, creeschan e realiseschan uschia il program per la sontga Messa. Quel vegn alura surpiglià da tut las plaivs cristianas che fan part dal Di d’uraziun mundial.

Il Di d’uraziun mundial è il pli grond moviment ecumenic da dunnas insumma. Quellas dunnas derivan da las pli differentas culturas cristianas e vivan las pli diversas tradiziuns.

Cun urar ed agir da cuminanza èn dunnas da var 170 pajais sin tut il mund colliadas ina cun l’autra. Quai è propi fascinant ed enritgint.
Autur: Maria Chatrina Gisep Hofmann organisatura dal Di d’uraziun mundial a Scuol

Jau vi As porscher avegnir e speranza è il motto dal Di d’uraziun mundial da quest onn. Sco che quel motto vegn realisà, tge muntada che il Di d'uraziun mundial ha per la Svizra ubain per la Svizra rumantscha e tge projects d'agid umanitar che vegnan mintgamai sustegnids, da quai raquinta Maria Chatrina Gisep Hofmann da Scuol en Vita e cretta. Ella organisescha il Di d'uraziun mundial a Scuol per las plaivs da Guarda enfin Sent ed è danovamain era coordinatura naziunala.

Il babnoss en valisic

Avrir la box Serrar la box

Gweddi'r Arglwydd


Ein Tad yn y nefoedd
Sancteiddier dy enw;
Deled dy deyrnas;
Gwneler dy ewyllys,
ar y ddaearfel yn y nef.
Dyro ni heddiw ein bara
beunyddiol
a maddau ni ein troseddau,
fel yr ydym ni wedi maddau'r
rhai a droseddodd yn ein herbyn;
a phaid â'n dwyn brawf,
ond gwared ni rhag yr Un drwg.
Oherwydd eiddo ti yw'r deyrnas
a'r gallu a'r gogoniant am byth.
Amen

https://weltgebetstag.de

Vita e cretta 09:00

Artitgels legids il pli savens