Vita e cretta - Co poss jau salvar noss planet?

Stads memia chaudas e sitgiras, privel d'incendis da guaud e peschs morts en ils flums pertutgan er a nus, di per di ed adina pli ferm. La muria d'insects è fatga dals umans gist tant sco las muntognas da vestgadira veglia en il desert d'Atacama.

1 / 4

Legenda: Ueli Schenk è il curatur da l’exposiziun “Planetopia”. El è persvadì che bleras pitschnas acziuns da mintgin e mintgina gidan a crear in mund pli paschaivel e persistent. RTR Anna Serarda Campell

2 / 4

Legenda: Il maun dad aur che retschaiva ils visitaders e las visitadras è in requisit emprestà dal teater da la cità da Berna. L’exposiziun «Planetopia» e vegnida construida cun 90% materials reciclats. Museum für Kommunikation Bern

3 / 4

Legenda: Enfin ch'ina chamischa penda tar nus en butia, ha el davos sai in viadi da var 20'000 kilometers. Cun la nav a container vegn el transportà enturn il mez mund. L’industria da moda tutga tar las pli “tschiffas”. Ella dovra dapli energia fossila ch'il traffic d’aviaziun. Museum für Kommunikation Bern

4 / 4

Legenda: Nus essans supermobils, vegnin però strusch vinavant. Però, e quai è la tesa optimistica da l’exposiziun, anc avain nus en il maun la situaziun. Museum für Kommunikation Bern

En vista da tut questas novas desastrusas pudess ins desperar. E qua cumenza noss gir en il Museum per communicaziun a Berna tras l'exposiziun actuala «Planetopia – Raum für Weltwandel».

Nus vulain porscher propostas e vias per ina soluziun

Quest'exposiziun na less be animar da pensar, mabain da propi e agir. En l'emissiun Vita e cretta udis pertge che blers pitschens pass fan ina differenza.

audio

Co poss jau salvar noss planet?

11:22 min, ord Vita e cretta dals 13.11.2022.

laschar ir. Durada: 11 minutas 22 Secundas.