Lur bibla è in’autobiografia, lur battaisem in gol fatg cun il maun sanester e tenor lur quint è uss l’onn 65 – l’onn 65 suenter la naschientscha da Diego Armando Maradona.
Fazettas da «La Mano de D10S» – Diego Armando Maradona
-
Bild 1 von 6. Dad ina legenda a l'autra – . Diego Armando Maradona preschenta a Papa Francestg in tricot da la squadra naziunala da ballape argentina cun il num Francisco, en la sala Paul VI en il Vatican, in settember 2014 avant in gieu interreligius per la pasch. Bildquelle: Keystone.
-
Bild 2 von 6. In'icona vegn celebrada –. Maradona avant il gieu da ballape da la runda preliminara dal gruppa D da la Cuppa mundiala FIFA 2018 tranter la Nigeria e l'Argentina a Son Petersburg, Russia, ils 26 da zercladur 2018. Bildquelle: Keystone.
-
Bild 3 von 6. In sco nagin –. per ses fans argentins è Maradona immortal, qua sin ina bandiera che sventulescha en occasiun da la victoria da lur squadra en la Cuppa mundiala cunter la Frantscha, a Buenos Aires, Argentina, dumengia, ils 18 da december 2022. Bildquelle: Keystone.
-
Bild 4 von 6. In amulett divin en ils mauns dal maun da Dieu –. Maradona sco trenader argentin en il gieu da qualificaziun per la Cuppa mundiala 2010 cunter il Peru a Buenos Aires, sonda, ils 10 d'october 2009. Bildquelle: Keystone.
-
Bild 5 von 6. Sontgas e sontgs sper ina via prest sontga –. mintga giada che Maradona gieva si da questa stgala en il stadion San Paolo a Napoli per giugar fascheva el oraziun a la Madonna di Pompei e bitschava la carta d'oraziun. (fotografà il 2019). Bildquelle: Keystone.
-
Bild 6 von 6. In altar per in dieu dal ballape –. baiver café sper in sanctuari deditgà a Maradona en il Bar Nilo en il center da Napoli. Maradona ha cuntanschì intgins da ses exploits ils pli memorabels a Napoli ed è anc adina venerà sco in dieu. (fotografà il 2019). Bildquelle: Keystone.
Tuna straun? Quai è dentant il cuntegn da la baselgia, che venerescha cun l’argentin in dals pli talentads ballapedists ch’igl ha dà insacura.
E surtut è quai mo in dals numerus aspects, che collian religiun e ballape.
Dieus dal ballape e catedralas dal sport
En blers pajais e culturas vegn il ballape venerà quasi sco ina religiun. Giugaders vegnan stilisads sco «dieus dal ballape», sco per exempel Toni Turek en Germania suenter il «miracul da Berna» il 1954 u Diego Maradona en l'Argentina.
Stadions valan sco «catedralas» dal sport, sco il Maracanã a Rio de Janeiro u San Mamés a Bilbao. Er ils chants dals fans han savens ragischs religiusas. La colliaziun tranter ballape e religiun sa mussa en bleras fassettas ed è regiunalmain fitg differenta.
Dieus, raspadas e catedralas dal ballape
-
Bild 1 von 8. «Turek, du bist ein Fussballgott!». Il goli tudestg Toni Turek, protegì d'in attatgader, tschiffa il bal avant in attatgader ungarais. Il gieu final dal campiunadi mundial da ballape en il stadion Wankdorf a Berna ils 4 da fanadur 1954 tranter la Germania e la favorita Ungaria finescha 3:2 per la Germania. Bildquelle: Keystone.
-
Bild 2 von 8. Ronaldo, in dieu e sia raspada a Moskau – . Fans guardan sin in monitur gigant co Cristiano Ronaldo da Portugal sa prepara da trair in penalti durant il gieu da gruppa B tranter il Portugal e la Spagna, ils 15 da zercladur 2018. Bildquelle: Keystone.
-
Bild 3 von 8. Messi, in auter dieu da ballape argentin – . Lionel Messi, en il center, emprova da far in gol, sfidà da Daniel Munoz da la Columbia, a dretga, e Davinson Sanchez durant in gieu da qualificaziun per il campiunadi mundial da ballape 2026 en il stadion Monumental a Buenos Aires, Argentina, ils 10 da zercladur 2025. Bildquelle: Keystone.
-
Bild 4 von 8. Messi ed il ballape sco speranza –. In mat gioga cun in bal sper ina pictura che mussa la star da ballape argentin Lionel Messi en il quartier Garrote a Buenos Aires, Argentina, sonda, ils 7 da zercladur 2025. Bildquelle: Keystone.
-
Bild 5 von 8. Il gieu da ballape sco servetsch divin –. fans da Schalke animeschan lur equipa ils 4 da mars 2023 a Bochum. Bildquelle: Keystone.
-
Bild 6 von 8. La raspada da fans dals Rangers –. Fans dals Glasgow Rangers sa scaldan avant il segund gieu da lur partida da Champions League cunter Villarreal en il stadion Madrigal a Villarreal, Spagna, il 2006. Bildquelle: Keystone.
-
Bild 7 von 8. Rio de Janeiro e sia catedrala da ballape – . La statua da Cristo Redentor davant il stadion Maracanã a Rio de Janeiro, Brasil. Ina giada il pli grond stadion dal mund cun plazza per fin 200'000 aspectaturs, il Maracanã ha ussa ina capacitad uffiziala da 76'804 aspectaturs ed è anc adina il pli grond stadion da ballape en Brasilia. Bildquelle: Keystone.
-
Bild 8 von 8. Il stadion che ha il surnom «la catedrala» – . Ina vista generala dal stadion San Mamés avant il gieu da l'emprima runda dals 32avels finals da l'UEFA Europa League tranter l'Athletic Club ed Apoel, a Bilbao, Pajais Basc, Spagna, ils 16 da favrer 2017. Bildquelle: Keystone.
Ballape sco religiun da substituziun en regiuns pli paupras
Oravant tut en territoris economicamain pli flaivels sco il nord da l'Engalterra, la regiun dal Ruhrpott en Germania u en l'Argentina ha il ballape savens ina valur quasi religiusa.
Per blera glieud là è la visita dal stadion mintg'emna cumparegliabla cun in servetsch divin – ella dat speranza, motivaziun e consolaziun en il mintgadi savens dir. A Glasgow sa reflecteschan perfin las cuntradicziuns religiusas tranter catolics e protestants en la rivalitad dals dus gronds clubs.
Maradona sco dieu dal ballape par excellence
Diego Maradona incarnescha sco nagin auter la fusiun da ballape e religiun. En l'Argentina vegn ses di da naschientscha festivà sco Nadal. Era a Napoli ha el cuntanschì in status sumegliant a quel d'in dieu, suenter ch'el aveva manà il club a gronds success.
Sia derivanza da relaziuns simplas e sia ascensiun al star mundial l'han fatg daventar ina figura simbolica.
En Svizra na datti dentant betg talas manifestaziuns extremas – qua para la benestanza da laschar parair il ballape main impurtant.
Ballape e religiun – anc ina fazetta dapli
-
Bild 1 von 4. In tricot per il papa – . papa Gion Paul II survegn in tricot da la squadra naziunala da ballape polaca persunalisà cun il num dal Papa durant ina audienza privata per las squadras naziunalas da ballape talianas e polacas en la Citad dal Vatican il november 2003. Bildquelle: Keystone.
-
Bild 2 von 4. Anc in tricot per anc in papa –. Papa Benedetg XVI survegn in tricot da ballape cun ses num da spirituals e fans da ballape nunenconuschents, durant l'audienza generala emnila en la Sala Paul VI en il Vatican il 2007. Bildquelle: Keystone.
-
Bild 3 von 4. Il match en la sutana –. seminarists dal Seminari d'Econe, il Seminari internaziunal da Son Pius X, giogan ina dumengia il 2009 ballape. La pli gronda part dal temp durant l'emna oran ils spirituals, ma mesemna e dumengia suentermezdi èn reservads per la recreaziun. Intgins spirituals dal Seminari d'Econe utiliseschan quest temp per giugar ballape. Bildquelle: Keystone.
-
Bild 4 von 4. Cun sustegn ecclesiastic –. Vestgì en oransch per sustegnair la squadra da ballape ollandaisa, celebrescha il plevon Paul Vlaar, il 2010 la messa a Obdam, Pajais Bass, per circa 300 cartents vestgids en oransch. El ura per che l'Ollanda gudognia la finala da la Cuppa mundiala cunter la Spagna. Bildquelle: Keystone.