Vita e cretta - «Ina chandaila n'è betg catolica» - Cultura

Vita e cretta «Ina chandaila n'è betg catolica»

L'ecumena è en bleras vischnancas pariteticas ina realitad che sa chapescha da sasez. Tuttina existan ils cunfins tranter las confessiuns vinavant. Co gartegia l'act da balance a Sagogn? Ils dus plevons raquintan.

Autur: Donat Caduff

Avant passa 300 onns avess in conflict tranter ils vischins catolics e refurmads da Sagogn prest chaschunà ina guerra civila en il Grischun. Oz èn ins lunsch davent da talas animositads. La convivenza paritetica gartegia a Sagogn a moda exemplarica, ed era ils ultims ressentiments tranter las confessiuns paran dad esser svanids - almain sch'ins taidla ils dus plevons dal vitg, sur Alfred Cavelti e ser Daniel Hanselmann.

audio

Ils dus plevons da Sagogn davart l'ecumena

ord Vita e cretta dals 08.01.2020.

laschar ir. Durada: 8 minutas 6 Secundas.

Tuttina: Ina convivenza ecumena gartegia be cun in tschert sensori e respect vicendaivel. Ils dus plevons laschan savair tge che las duas confessiuns pon emprender ina da l'autra, ed els discurran er davart la gloria, la «gliergia» ed il rumper cunfins.