Siglir tar il cuntegn

Header

audio
Duas plevonessas e lur chanal da You Tube «Holy Shit».
Or da Vita e cretta dals 10.10.2021.
laschar ir. Durada: 08:59 minutas.
cuntegn

Vita e cretta «Per part na poss jau strusch crair las dumondas da la glieud»

Ellas procuran per ina purziun umor e dattan ina parita giuvenila a la Baselgia refurmada. Sin lur plattafurma da social media «Holy Shit» discutan las duas plevonessas refurmadas Priscilla Schwendimann e Claudia Steinemann avertamain davart tut quai che muventa ellas.

Ellas èn giuvnas ed ellas èn stars sin YouTube ed Instagram. Ozendi atgnamain nagut spezial. Priscilla Schwendimann e Claudia Steinemann èn dentant tuttas duas era plevonessas. E Claudia sto cumbatter cun la malsogna ADHS, Priscilla cun ses coming-out sco dunna omosexuala, ch’è creschida si en ina baselgia independenta che na tolerescha betg omosexualitad.

Legenda: Las duas plevonessas refurmadas sin lur chanal da YouTube «Holy Shit». SRF, Luca Fuchs

E gist quai èn tematicas ch’ellas discutan cun lur community sin lur chanal «Holy Shit» – avertamain e cun ina purziun umor. En general tematiseschan ellas la baselgia e la cardientscha, l’esser giuven, la sexualitad ni la sanadad psichica.

Nus n'avain nagin recept general, tut è er in zic in experiment.
Autur: Priscilla Schwendimann plevonessa refurmada e host da «Holy Shit»

Cun «Holy Shit» vulan las duas plevonessas cuntanscher dapli glieud – oravant tut glieud giuvna – ed intermediar a quella la fascinaziun da la cardientscha cristiana ed er ils avantatgs da far part a la Baselgia refurmada.

Vita e cretta ha discurrì cun Priscilla Schwendimann davart motivaziun, finamiras, resistenza e tabus.

In giuven è dacurt entrà en la Baselgia refurmada, nua che mia collega Claudia è plevonessa. El ha argumentà, ch'el veglia entrar, perquai che la baselgia haja pudì pledentar el per l'emprima giada insumma cun «Holy Shit». Quai fa enorm plaschair.
Autur: Priscilla Schwendimann plevonessa refurmada e host da «Holy shit»
Legenda: Priscilla Schwendimann è plevonessa cun corp ed olma. SRF, Luca Fuchs
audio
Entira emissiun da Vita e cretta
59:08 min, Vita e cretta dals 10.10.2021.
laschar ir. Durada: 59:08 minutas.

RTR Vita e cretta 08:00

Artitgels legids il pli savens

Scrollar a sanestra Scrollar a dretga