Sis emnas modus da crisa: Plaunsieu croda il palantschieu sura als ins sin il chau. Natiralmain pon blers giudair la primavaira cun restar a chasa. Dentant tge far sch’i dat er suenter passa in mais anc adina nagina normalitad? I dat da tuttas sorts quitads: depressiuns, temas d’existenza, isolaziun sociala, e quai tar giuven e vegl, tras tut las parts da la societad. Nus avain discurrì cun plirs servetschs da cussegliaziun.
Servetschs psichiatrics dal Grischun
Ina clera tendenza constateschan ils servetschs psichiatrics dal Grischun. Dapi Pasca retschaivan els marcantamain dapli dumondas da la populaziun sco er dapli cas psichiatrics d’urgenza. Ils psichiaters e psicologs porschan cussegl sur questa helpline, il link avra en ina nova fanestraavrir en il browser dal chantun Grischun.
Chasa da dunnas dal Grischun
Entant restan autras hotlines pli ruassaivlas – prest memia ruassaivlas, sco tar la Chasa da dunnas dal Grischun, il link avra en ina nova fanestraavrir en il browser a Cuira. Las cussegliadras supponan che bleras dunnas en miseria na chattan en temp da restricziuns betg avunda chaschuns per mitschar da las atgnas quatter paraids e na gughegian uschia betg da s'annunziar tar la chasa da dunnas.
Pro Juventute
La Pro Juventute, il link avra en ina nova fanestraavrir en il browser (telefon 147) percunter ha stuì auzar sias capacitads per pudair respunder a tuttas dumondas d'uffants e giuvenils. Ils teenagers sa drizzan envers il cussegliaders cunzunt via chat, sco il manader dals servetschs da cussegliaziun, Thomas Brunner, declera. Dapi l'entschatta da la crisa èn las dumondas via chat s'augmentadas per in terz.
Pro Senectute Grischun
Carla Cathomas maina il post da cussegliaziun da Cuira da la Pro Senectute Grischun, il link avra en ina nova fanestraavrir en il browser. Ella observa che bleras persunas dumondan per sustegn davart disposiziuns da pazients e mandats preventivs, pia per prevegnir ad in futur intschert en dumondas da la planisaziun da la vita.
In facit partan ils servetschs consultads dad RTR unisono: En il proxim temp na dastgass la situaziun betg sa calmar uschè spert. Ed uschia èn ils profis a las hotlines ed en ils chatrooms vinavant qua per scadin sustegn.
