Siglir tar il cuntegn

Header

audio
Vita e cretta dals 11.04.2021
Or da Vita e cretta dals 11.04.2021.
laschar ir. Durada: 58:08 minutas.
cuntegn

Vita e cretta La pandemia ha rinforzà il dialog tranter las generaziuns

Sch’ins guarda enturn, en las medias classicas ed en quellas socialas, san ins survegnir svelt l’impressiun: La pandemia ha rendì il discurs en la societad pli criv e tendì.

L’atgna vista dal mund quinta, posiziuns vegnan defendidas senza misericordia. La generaziun giuvna vul ir en sortida e sin viadis, la generaziun pli veglia n’ha betg enclegientscha.

«La stima vicendaivla è creschida»

L’experientscha dad Eveline Widmer-Schlumpf, anteriura cussegliera federala ed oz presidenta da la Pro Senectute svizra, è dentant differenta. La pandemia haja rinforzà il dialog tranter las generaziuns: «Quels ch’ha discurrì ensemen, han cumenzà da sa stimar e da chapir, pertge che l’auter reagescha co ch’el reagescha».

audio
La pandemia ha rinforzà il dialog tranter las generaziuns.
10:51 min, Vita e cretta dals 09.04.2021.
laschar ir. Durada: 10:51 minutas.

La societad s’occupia uss dapli dals basegns da las differentas generaziuns, da lur giavischs e lur basegns, raquinta ella en la Vita e cretta. Tuttina, constatescha la presidenta da la Pro Senectute Svizra, vezzia la societad anc memia savens il svilup demografic sco ristg e betg sco resursa - u cun auters pleds:

En la discussiun tar las ovras socialas u ils custs da noss sistem da sanadad vegn savens insinuà, ch’il svilup demografic saja insatge nausch. Ins emblida savens da guardar da l’autra vart tge che questas persunas adina pli veglias portan a la societad ed er a l’economia.
Autur: Eveline Widmer-Schlumpfpresidenta Pro Senectute Svizra ed anteriura cussegliera federala

Per exempel saja la pli gronda gruppa da persunas, che fa lavur voluntaria en Svizra, quella da las senioras ed ils seniors tranter 65 e 74 onns, argumentescha Eveline Widmer-Schlumpf.

audio
Eveline Widmer Schlumpf davart la forza da las senioras ed ils seniors
02:41 min, Vita e cretta dals 09.04.2021.
laschar ir. Durada: 02:41 minutas.

RTR Vita e cretta 08:03

Artitgels legids il pli savens

Scrollar a sanestra Scrollar a dretga