Cumenzà cun las lavur da tschertgar persunas ha Isabelle Jäger gia la stad passada, er via organisaziuns sco Pro Infirmis ni Procap. Il punct da partenza è stà quel che las persunas han duì discurrer sezzas e decider er per sasez tge ch’ellas vulan mussar en ils films, nua ch’ils cunfins èn. Quai ha dad ina vart inclus ma da l’autra vart er exclus persunas, di Isabelle Jäger en vita e cretta.
Ed i dat er bleras persunas che n’èn betg bunas da communitgar. Saja ch’ellas na vulan betg, saja ch’ellas èn surdumandadas da lur situaziun. La finala ha Isabelle Jäger chattà tschintg persunas ch’han laschà filmar e han mussà lur vita e lur mintgadi.
Da communitgar cun las persunas en ils films era schon ina sfida.
Isabelle Jäger ha experientscha cun persunas cun in handicap. Ella ha in figl ch’ha in spectrum autistic. Ella ha mintgatant menziunà ses figl ed uschia ha ella chattà ina basa da partenza communabla.
