Siglir tar il cuntegn

Header

cuntegn

Inclusiun Ensemen unics – quai essan nus

RTR rapporta durant duas emnas davart persunas cun impediments. Dals 23 da schaner enfin ils 5 da favrer vegnan a pled differentas persunas pertutgadas. Ellas raquintan davart lur mintgadi ed il viver cun in impediment.

Tge barrieras datti anc en il mintgadi? Quant lunsch è l’inclusiun? Tge experientschas fan las persunas en lur vita? Questas ed anc bleras autras dumondas tracta RTR durant las emnas da focus. I na duai dentant betg mo esser in rapportar, mabain in focus inclusiv cun participaziun activa da tuttas e tuts.

En Svizra vivan tenor statistica var 1,7 milliuns persunas cun in impediment. Ellas èn part da nossa societad e duain era survegnir in plaz en ils programs dad RTR. Nus na vulain betg be discurrer da las persunas cun in impediment, mabain cun ellas per vesair ed udir, co ellas passentan lur mintgadi.
Autur: Valentin Schmed Manader programmaziun RTR

Live al lieu en coproducziun

La fin da schaner va Radio RTR sin visita en trais differentas regiuns e rapporta live da e cun ils abitants e las abitantas pon far experientschas sco comoderaturs e comoderaturas, assister a las moderaziuns, far lur agen program da musica ed anc bler auter.

Tschintg differentas vitas cun impediment – tschintg purtrets

audio
Behind the scenes dals purtrets cun redactura Isabelle Jaeger.
ord Actualitad dals 24.01.2023. Maletg: RTR
laschar ir. Durada: 4 minutas 39 Secundas.

L’emna ha cumenzà ils 23 da schaner cun la seria «Mia vita, mes mintgadi – viver cun impediment». En questa na discurrin u analisain nus betg, ma nus mussain: En tschintg purtrets stattan tschintg persunas cun impediments en il center. Ellas ed els n'èn betg be il tema, ma las protagonistas da lur atgnas istorgias.

Els tschintg sin ina cumbinaziun da purtret cun il titel da la seria.
Legenda: Mia vita, mes mintgadi – cun Cilgia Nuotclà, Pascal Leinenbach, Emanuel Nay, Tanja Zentriegen e Bond e Matteo De Pedrini. RTR

Nus accumpagnain ad Emanuel Nay, a Tanja Zentriegen cun ses chaun d’assistenza Bond, a Matteo De Pedrini, a Cilgia Nuotclà ed a Pascal Leinenbach tras lur mintgadi a Laax e Turitg, Cuira, Son Gagl, Scuol e tras l’Engiadin’Ota e faschain uschia in toc via ensemen cun ellas ed els. Nus essan a chasa ed en scola, en il tren ed en il bus, en il Fürstenwald u en la Sinergia, en la Chasa editura u en la bar – simplamain dapertut là, nua che nus tuttas e tuts essan er.

Dus giadas Cuntrasts

Er ils Cuntrasts sa deditgeschan a la tematica - e quai gist dus giadas. Per l'emissiun dals 29 da schaner ha la squadra da Cuntrasts passentà 24 uras en l'ARGO Cuira. Ils 5 da favrer datti anc ina giada ina scuntrada cun protagonistas e protagonists da la seria «Mia vita, mes mintgadi – viver cun impediment».

RTR actualitad 06:00

Artitgels legids il pli savens