Co colurar ovs cun colurs natiralas?

Sper la lieur da Pasca èn era ils ovs colurads insatge che sto esser en l'igniv. Ma da nua vegn quest usit insumma e co pon ins colurar ovs a moda natirala?

Ovs da Pasca
Legenda da maletgs: Ovs da Pasca KEYSTONE

Usit da colurar ovs

L'usit da colurar ovs va enavos sin il temp da curaism. Pli baud vegniva desistì durant il temp da curaisma da tut ils products d'animals - uschia er dals ovs.

Per quest motiv stuevan ils ovs vegnir conservads e vegnivan uschia cotgs. Per tegnair in ord l'auter ils ovs cotgs dals crivs vegnivan ils cotgs colurads - per exempel en aua da tschagulas.

Co colurar ovs cun tschagulas – en 5 pass

1. Il meglier fan ins da prender ovs alvs, cunquai che quels piglian si il meglier la colur
2. Lavar giu il ovs cun aschieu per allontanar il grass vid la crosa
3. Far giu la paletscha ad in mez kilo tschagulas
4. Metter la paletscha en ina chazzetta cun aua e laschar coier 20 minutas
5. Silsuenter metter viaden ils ovs e laschar trair 10 minutas

Autur/a: Carin Caduff