Co e cum: Co pon ins nettegiar il telefonin?

Il telefonin vegn duvrà permanent. Tenor retschertgas fin 2500 giadas per di. E tuttina vai savens en emblidonza da nettegiar el. Inqual tip co ch'ins po far quai il meglier.

Nettegiar il telefonin.
Legenda da maletgs: Nettegiar il telefonin. Redacziun multimedia

Cun il design traglischant dal smartphone han ins mai l'impressiun che quel pudess esser tschuf. Vinavant sa metta era nagina pulvra sin el perquai ch'ins dovra el stedi. E tuttina è il smartphone tenor la scienzia enturn 10 giadas uschè tschufs sco il rintg da tualetta. Cunquai ch'el è pitschen n'èsi però betg simpel da nettegiar el.


Qua inqual tip co ch'i va meglier:

• Duvrar ina lumpa cun alcohol u aua destillada per ir sur il monitur (Betg aua da spina perquai chi dat lura tacs).


• Chava-dents u vatta per sgarar ora la pulvra da las rusnas pitschnas
Dal reminent funcziunan questas metodas era fitg bain cun auters apparats electronics.

Autur/a: Lukas Quinter