Co e cum: Tge dastgan ins brischar en la pigna da laina
Tenor la polizia da fieu dastgan ins brischar bunamain tut, quai tegnan las pignas da laina modernas or. Dentant, i dat era anc l'ordinaziun per mantegnair l'aria pura. Lezza di ch'ins dastga brischar sulet laina che n'è betg vegnida tractada. Sch'i toffa e fa fimaglia, lura è insatge i crutsch.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Il lain sto esser sitg, uschiglio datti memia bler fim. Envidar il fieu na duess ins betg cun palpiri, mabain cun stalizzas finas, e quai da surengiu e betg da sutensi. Uschia sto il gas nuschaivel tras la flomma chauda, uschia ch'il gas arda ora dal tuttafatg.
Dapi l'onn 2017 èn las perscripziuns da l'ordinaziun per mantegnair l'aria pura schluccadas. Da nov dastgan ins era brischar laina restanta e laina veglia, uschè ditg sco quella n'è betg vegnida tractada. Vesair gliez è dentant difficil.