Co e cum: Tge far encunter il sgruflar?

Sgruflar po avair divers motivs. Tuttina è sgruflar adina stentus. Smetter da sgruflar po esser pli simpel che quai ch'ins pensa.

Legenda da maletgs: Colourbox

La posiziun da durmir ha ina gronda influenza sin il sgruflar. Cun in plimatsch gross è il chau pli aut ed ins po respirar meglier. Er durmir sin la vart è meglier che sin il dies. Sche midar la posiziun na gida betg lura pon ins cumprar divers products. Per far pli quiet il sgruflar datti plasters per tatgar sin il nas. Plinavant pon ins era cumprar ina sort stapuns ch'ins po metter en il nas, tras quels pon ins lura respirar meglier ed uschia na vess ins betg pli da sgruflar.

Autur/a: Natalia Murtas