Co evitar radiaziun a chasa?

Nus vivain pli e pli fitg en in «electrosmog». Quasi mintga apparat electronic emetta u retschaiva radis. Co pon ins evitar radiaziun a chasa?

Ils radis èn dapertut.
Legenda da maletgs: Ils radis èn dapertut. Pixabay

Con nuschaivla che la radiaziun è propi, na san ins anc betg perquai ch'ils studis a lunga vista mancan anc. Insaquants èn dentant fitg sensibels sin radiaziun e pateschan da mal il chau u mancanza da sien. Er sch'ins na sa betg exact tge effects ch'ils radis han, san ins a moda preventiva reducir radiaziun a chasa.

Sch'ins abita en in bloc, alura n'han ins betg mo ils radis da l'agen router da WLAN en chasa, mabain anc la radiaziun dals vischins. Nus vivain propi en in «electrosmog».

Cun reducir la prestaziun da routers da WLAN san ins franar la radiaziun, medemamain cun determinar il temp ch'il router emetta radis cun ina ura automatica. Plinavant pon ins er far insatgei tar il telefonin: Cun tschentar or il «bluetooth» u activar il modus da sgular («flugmodus») pon ins reducir in pau la radiaziun.

Autur/a: Pietro Jacomet