Ils smartphones che nus duvrain en noss mintgadi èn en sasez bain protegids da virus. Cunquai ch'i n'è per ordinari betg pussaivel da chargiar giu programs directamain ord l'internet èsi probablamain darar il cas ch'i dat programs che s'installeschan senza ch'il possessur fa stim.
Ils appstores
In privel ch'i po dar èn dentant las applicaziuns ch'ins chatta en ils appstores. Là ston ins esser precaut tar apps che dumondan l'access per contacts, GPS u camera. Ins duess propi be dar access sch'ins è segir che l'app vegn d'ina funtauna confidenta.
Far updates
Vinavant èsi impurtant da tegnair las apps ed il sistem dal smartphone sin il current. Sch'ils programmaders da l'app encorschan ch'i dat insanua ina mancanza en la disposiziun da segirezza, alura schlian els quai cun in update. Adatg! Ins dess adina anc mirar tge che sa mida exact cun l'update. Schi dat cun l'app midadas ch'effecteschan la sfera privata, duessan ins desister d'installar l'update.