Co sa depurtar en l'ustaria?

Era sche blers van gugent en ustarias, na fan ins savens betg patratgs davart il cumportiment adattà. Qua é la «netiquette» per ch'ins sa evitar proxima giada da sa blamar.

Er per ils giasts datti intginas reglas en restaurants.
Legenda da maletgs: Er per ils giasts datti intginas reglas en restaurants. Pixabay

Sch'ins va normalmain en in'ustaria, alura pretendan ins ina gronda amiaivlezza dals emploiads. Ma er vala il cuntrari - er l'ustaria spetga bunas manieras dals giasts. Quellas manieras van savens a perder. Sandra Brunner, l'ustiera dal Calanda a Cuira, ha dà intgins tips:

  • Spetgar tar l'entrada sin ch'ins vegn plazzà vid ina maisa.
  • Infurmar la survienta usché svelt sco pussaivel sch'il menu na gusta betg bain.
  • Infurmar l'ustaria sch'ins na sa betg resguardar la reservaziun.
  • Sch'ins vul clamar la survienta alura na duess ins betg tschivlar u cloccar cun la detta, mabain tschertgar il contact cun ils egls u far attent cun ina gesta da maun.
  • La bunamana è insatge persunal. Mintgin duess dar suenter ses pudair e savair insatge suren. La survienta è engraziaivla per mintga contribuziun.

Autur/a: Lukas Quinter