Far in service avant che dustar ils skis

Tgi ha gia mess davent ils skis, auters giaudan anc ils davos dis sin pista u loipa, avant che la stagiun d'enviern va propi a fin. Lura sa platgan ils skis - saja quai quels d'alpin u passlung, en tschaler u si surchombras.

I vala la paina da magari far in bun service vid ils skis.
Legenda da maletgs: I vala la paina da magari far in bun service vid ils skis. keystone

Per er avair plaschair vid ils skis il proxim enviern vali la paina da preparar ils skis sin la stad, da tractar bain ils skis avant che dustar els. Impurtant è da far in service endretg e dad unscher ils skis cun tschaira. Quella tschaira duess restar sur stad sin il fund dals skis. Per l'ina va la tschaira pli profund en il ski, quai chè bun, e per lautra protegia quella era ils funds dals skis. Ideal fiss lura da metter ils skis en in satg da skis e betg deponer els en in lieu da pulvra, mabain en ina stanza plitost fraida e sitga cun ina temperatura in zic constanta, sco per exempel en in tschaler u en ina garascha. Quai è il proceder ideal per era avair bun material sin che la nova stagiun da skis va liber.

Autur/a: RTR / Andreas Wieland