Il cumbat cunter ils kilos da Nadal

La stadaira mussa suenter las festas da Nadal e Bumaun gugent dus trais kilos dapli. Ils centers da fitness èn perquai il schaner plains. Il cumbat cunter ils kilos po cumenzar.

Eder Lala en ses center da fitness a Tusaun.
Legenda da maletgs: Eder Lala en ses center da fitness a Tusaun. RTR, Sabrina bundi

«Currer sin il bindel» quai saja il pli effectiv per brischar calorias, di Eder Lala, dapi il 2014 manader dal center da fitness a Tusaun. Cun currer vegnia l'entir corp duvrà. Dentant n'è currer betg be currer. Er tar il currer stoppian ins guardar d'avair il dretg puls per ch'il corp giaja vid las reservas da grass e betg vid ils idrats carbonics.

Ins po dentant era simplamain far pasch cun ils novs «polsters».

Autur/a: Sabrina Bundi