Ir cun skis dasper la pista: Tgi è responsabel?

Skiunzs che decidan spontanamain da far la storta ed ir giu da la pista marcada, fan bain dad esser assicurads.

Marcaziun da pista.
Legenda da maletgs: Bandunar la la pista po er avair consequenzas finanzialas. KEYSTONE

Ir cun skis dasper la pista marcada po esser char, perquai èsi d'avantatg d'esser assicurà bain. Tenor Jon Samuel Plotke, expert da segiranzas tar la Swissbroke, pon ins sco persuna privata far in'assicuranza privata da responsabladad. Quella assicuranza è dentant voluntaria.

Responsabladad dal skiunz da variantas
Er sche la naiv da pulvra dador la pista attira, n'èsi betg adina bun da far il pass sur la marcaziun da la pista ora. Sch'ins vul dentant tuttina giudair questa libertad èsi impurtant d'enconuscher bain la situaziun da lavinas. Quant ferm ch'in skiunz da variantas è propi responsabel ha er da far quant grond ch'il privel da lavinas è: Pli grond il privel e pli culpavel il skiunz.

Autur/a: RTR/cl