La super-glina è oz anc pli super

L'onn 1948 èn la glina e la terra stadas la davosa giada uschè damanaivel ina a l'autra, pia avant 68 onns. Oz èsi puspè uschè lunsch. Per in u l'auter è quai er gist ina buna chaschun da prender la camera enta maun ed ir a fotografar.

La superglina
Legenda da maletgs: La superglina keystone

Questa notg datti ina uschenumnada super-glina. Sche l'aura lubescha lura è quest fenomen da la natira anc pli impressiunant che uschiglio. Ma co far per fotografar questa super-glina? Romano Salis è fotograf, guardiaselvaschina e guid da muntogna. El è oriund da Puntraschigna e abitescha a Maloja. Dad el datti tips nua sa posiziunar, cun tge apparat fotografar e co preparar la camera.

Autur/a: RTR, sc