Schlogn/tschic – Co far sez?

Schlogns tar in kiosc.
Legenda da maletgs: Schlogns datti en bunamain mintga gust. KEYSTONE

Il schlogn fatg sez

Betg «noss paun...», mabain «noss ieli da mintga di» pudess ins dir. Pertge ils schlogns, ils tschics che nus schlugnain di per di, quels n'èn ozendi per gronda part betg or da products natirals, mabain or da plastic. Sumegliants plastics ch'ins dovra per far collas u guants da gumma. Tgi che vul dentant schlugnar sin insatge natiral e betg mo sin plastic, lez po far sez il schlogn.

Recept:

ingredienzas

- 60 grams chicle
- aroma
- colur da vivonda
- 18 grams glicerin (per evitar ch'il schlogn setgenta ora)
- in mez tschadun acid da citrona
- 10 grams sirup da glucosa (per la consistenza dal schlogn)
- 70 grams pulvra da zutger

L'emprim maschadar il chicle, il sirup da glucosa, l'aroma giavischà ed in mez tschadun pitschen cun acid da citrona en ina stgadella. Quella mett'ins lura, sco tar far luar tschigulatta en l'aua buglienta, e truscha uschè ditg fin ch'i dat ina buglia. Lura maschadar viaden il glicerin - glicerin fa ch'il schlogn resta lom e ch'el na setgenta betg ora. Tut tenor gust in zichel colur da vivondas. Suenter prender l'entira buglia e derscha quella sin la pulvra da zutger e maschadar cun ils mauns. Zullar ora la pasta e tagliar si en strivlas u far cullas.

Autur/a: RTR/dh