Tge far cunter il singlut?

«Jau ta dun 20 raps sche ti chalas immediat da singluttar...» Quest tric per far chalar il singlut funcziuna mintgatant, ma betg adina.

Baiver in magiel aua senza trair flad duess gidar.
Legenda da maletgs: Baiver in magiel aua senza trair flad duess gidar. keystone

Normalmain chala il singlut suenter paucas minutas, surtut sch'ins po star luc e trair flad ruassaivlamain. Singlut han ins numnadamain sch'il diafragma (Zwerchfell) e la musculatura che gida a respirar sa tiran ensemen. L'aria ch'ins ha tratg en frunta cun in grond «hicks» cunter la sfessa vocala ch'è serrada. Tge pon ins propi far per ch'il singlut chali pli spert?

As regurdais anc da Mr. Hiccup?

Autur/a: RTR, sc