Tge porta la Swiss ID?

La Swiss ID duai esser ina charta d'identitad digitala. Ella duai gidar en l'internet tar cumpras, tar l'e-banking ed auters lieus nua ch'ins dovra in pled clav.

Ils chaus davos la Swiss ID.
Legenda da maletgs: Ils chaus davos la Swiss ID. Keystone

Davos la Swiss ID stattan differentas firmas grondas sco per exempel l'UBS, la Raiffeisen, la Swisscom, La Posta ni era las Viafiers federalas. Ellas han fundà la SwissSign che stat lura per propi davos la SwissID. Il mument datti la Swiss ID sco fasa da pilot cun 3'000 clients tar la posta. Per proxima stad ha il Cussegl federal planisà ina lescha per quella identitad digitala che duai lura er vegnir renconuschida e controlla da la confederaziun.

Autur/a: Prisca Bundi