Tge schabegia sch’ins na paja betg il benzin?

Ins è sin viadi cun l'auto ad in termin impurtant. Tuttenina è il tanc da l'auto vid. Ins va svelt tar in tancadi. Stressà emplainan ins il tanc e charrescha vinavant. Pir pli tard percorschan ins davair emblidà da pajar. Tge èsi da far?

Tancar
Legenda da maletgs: Tancar Keystone

En l'emprim mument na ston ins betg avair tema da vegnir chastià. Schi vegn pir pli tard endament, alura duajan ins curt infurmar il tancadi, sco Gian Arpagaus da la «Coop Mineralöl AG» declera. Anc meglier saja da vegnir il medem di anc ina giada sperasvi per pajar.

Tge è schi vegn gnanc endament davair emblidà da pajar?

En da quels cas vegn il tancadi ad infurmar il client. Mintga tancadi ha cameras. Cun quellas cameras vesian ins il numer da l'auto. Uschia possian ins distinguer la persuna ed infurmar ella. Quai n'ha naginas consequenzas. Ins vegn simplamain supplitgà da pajar via quint u en contant.

Autur/a: Lukas Quinter