Tips co tgirar fluras avant che l'enviern vegn

Per che las flurs e plantinas èn vaschs survivan bain l'enviern èsi tenor l'ortulan e mainafatschenta da l'orticultura Wieland a Tumein Pascal Keller da risguardar il suandant:

Pascal Keller dat tips e trics per tgirar las flurs.
Legenda da maletgs: Pascal Keller dat tips e trics per tgirar las flurs. RTR, Selina Chistell
  • Tagliar giu las flurs da stad ch'èn passadas.
  • En cas che las flurs èn anc bellas dar aua enfin ch'ellas sflureschan.
  • Plantinas u plantas en vaschs ch'èn en curtin u sin balcun pon ins las bleras laschar ordadora enfin november. Palmas, plantinas d'olivas u er oleanders possian vertir in zic fraid dentant nagina schelira.
  • Cura chi schela l'emprima giada prender endadens las plantinas.
  • Durant l'enviern èsi ideal sche las plantas e flurs èn en in lieu frestg (circa 5 grads) ma cun blera glisch.
  • Er durant l'enviern èsi da bugnar las plantinas. Quellas ch'èn a la glisch dovran circa 1 giada ad emna aua. Quellas ch'èn en in lieu pli stgir dovran circa mintga duas enfin trais emnas aua.

Autur/a: Selina Chistell