Tips per las lampas dad LED adattadas

Durant il temp dadvent vulan divers decorar lur dachasa pli festiv. In impurtant punct è era l'illuminaziun. Quels che na vulan betg envidar chandailas installeschan savens lampas. Ina chadaina da glischs ni chandailas artifizialas. Ma sin tge èsi da mirar cun cumprar?

Durant il temp d'advent glischi giu dals balcuns e fanestras da bleras chasas.
Legenda da maletgs: Durant il temp d'advent glischi giu dals balcuns e fanestras da bleras chasas. Reuters

Las meglras lampas èn quellas dad LED. Quellas tegnan fitg ditg (per part fin 50000 uras) e lavuran fitg effizient. Cun pli pauca energia glischan ellas pli cler ch'ils pairs electrics normals. In dischavantatg è il pretsch. Ellas èn in zic pli charas. Per la paja ston ins betg cumprar uschè savens novas.

Colur ni temperatura da la glisch

Quant cler china lampa glischa, dependa da la colur. Quella è inditgada sin il pachetadi. «Cler dal di» ni simplamain «alv» vul dir propi alv. Quai è la glisch chins chatta per il solit en biros, hallas da lavur ni en il liber. Tgi che vul ina colur pli chauda sto mirar sin il pled «alv chaud» (per tudestg «Warmweiss»). Quella colur è sumeglianta a la glisch dina chandaila, damai pli chauda ed agreabla.

6LED = 1 watt

Glischs dLED dovran pli pauc energia che pairs convenziunals. Perquai è era la cifra inditgada cun watts in toc pli pitschna. En media sis giadas. Ina glisch LED cun diesch watts po damai remplazzar in pair electric normal cun 60 watts.

Autur/a: Flurin Clalüna