«Baghegiar»

chau da Chasper Pult
Legenda da maletgs: Chasper Pult. RTR G.Dazzi

Questa sonda ha lieu a Cuira in'occurrenza che tracta la cultura dal bajegiar. En connex cun l'onn europeic da l'ierta culturala preschenta la Lia grischuna per la protecziun da la patria referats dad inschigners ed architects impurtants, ma era discussiuns ed exposiziuns.

Nus prendain la chaschun per ans dumandar danunder ch'il verb «baghegiar» vegn, ch'è malchapibel per blers Rumantschs. La surpraisa è però che tut ils idioms duvravan ina giada quest verb che deriva dal tudestg «bûwen». Fabritgar era in'alternativa, sco construir ed eriger, ma dapi tschientaners duvrain nus era «far si».

Redacziun: Chasper Pult