Bravuogn – Brauegn – Bergün

chau da Chasper Pult
Legenda da maletgs: Chasper Pult. RTR G.Dazzi

Durant Tschuncaisma ha lieu a Bravuogn il segund festival da la Viafier Retica en connex cun ils dis dal patrimoni mundial cultural da l'Unesco. Quai ans dat la chaschun da dar in'egliada linguistica a questa vischnanca da tempra engiadinaisa. Na be l'architectura è inspirada da l'Engiadina, ma er il num rumantsch uffizial «Bravuogn» è la furma putera dapi la refurma. Bergün è il vegl num tudestg, ils abitants numnan dentant lur vitg Brauegn. Els discurran il bargunzegner, in idiom surmiran apart e linguisticamain fitg original. Damai: «Beñvgnegdas a Brauegn!»

Redacziun: Chasper Pult