Carnaval e tschaiver

chau da Chasper Pult
Legenda da maletgs: Chasper Pult. RTR G.Dazzi

Puspè ha inizià la perioda balurda ch'il Pledari Grond numna «carnaval» u «tschaiver». L'emprima expressiun ch'i dat era en tudestg, ha sias ragischs en I'talia e tira endament da renunziar a la charn. La derivanza da tschaiver è dentant misteriusa. Forsa ch'ils verbs entschaiver/antschever che derivan dal latin INCIPERE e che n'existan betg en ladin dattan ina soluziun: cumenzar a giginar. En Engiadina Bassa e Val Müstair vegn ditg Schüschaiver, forsa pudess quai era signifitgar EX-SEPARARE, damai separar la charn dals pasts. E sche l'expressiun sa referiss a la tschavera?

Redacziun: Chasper Pult